గోరు ముద్దల జ్ఞాపకాలు..

మారాం చేసే రోజుల్లో... గారాం కుడిచే మోజుల్లో..

"బంగారం" అంటూ ...అమ్మ.. హుంకారంచేస్తూ.. నాన్న.

తినమంటూ వెంటపడి.. తిననంటే..కంటతడి..!

మొరాయించకుండా.."అదుగో..బూచాడు..!" హరాయించుకోడానికి..వాము ఓ చెంచాడు..!

ఆది గురువు గా అన్ని నేర్పుతూ.. గోరు ముద్దలలో రంగరించుతు...

అమ్మ అందించిన కమ్మని ముద్దలు జేజెమ్మను మించమని దీవించి నేర్పించిన సుద్దులు..

ప్రతి చిగురు వయసు జ్ఞాపకాలు.. ప్రీతి చిగుర్చే పాయస జ్ఞాపకాలు.. చితి కాల్చలేని చిరాయు జ్ఞాపకాలు..!